المسحراتي
رمضان طَرَق ع الباب
ياهل البلد قوموا
مِن زاد ف نومه مات
مِن عاش ترك نومه
و التعلب اللي فات
ف الديل سبع لفات
صَرَّخ تلت صرخات
مِن حُزنه وهمومه
لا فيه فراخ ولا بيض
ف زاوية العِشَّة
ماتقوم ياعم سعيد
أنا إيه راح اتعشَّى
قال ف الفراخ شوطة
و مرَضهم أتفشى
ماتصوم يابو التعاليب
بَص و تَعجَب لي
و المشي طاب لي و الدَق على طبلي .
المسحراتي .. من ديوان سحور النهار
شعر .. حسام بخيت
ليست هناك تعليقات:
إرسال تعليق