بذمة ودين
دا يرضي مين
البت حنفي شايل مطوه
ومسميا نفسها نيرمين
والكتر فجيبة فهمي
وصحبتها بتقول لها نسرين
قولولنا يابشر
دا يرضي مين
والاب والام في البيت
نايمين
مدارس بنات فيها العجب
حتى الولاد مش سايبين
خناق على شاب توتو
ومدرسين لايصين
ومسلسلات أبطالها عاهات
خلوو المجتمع فالطين
وشباب ضايع مش فاهم
عند السناتر واقفين
بناطيل مقطعة
نفوس مزعزعة
عالتربية مش واخدين
كلامهم انجليزي
رد ياعربي ياحزين
وكلام ربنا مش عارفين
بذمة ودين
دا يرضي مين
قصص عشق وغرام
وأهل عالتيك توك عيشتهم حرام
لحمه معروضه وقرون مشدودة
وتيجي تقوله نصيحة
يقولك يا رجعي
خلص الكلام
بذمة ودين
دا كلام عاقلين
سؤالي هنا
حساب الصغار
عند الأهل المتخلفين
ولا في المدارس اللي بيروحوها ومش مهتمين
ولا دا بعد عن الدين
حد يجاوبني يا مسلمين
بقلم مولانا العارف بالله الضاحك الباكى بلال هشهش بيلا مصر
ليست هناك تعليقات:
إرسال تعليق