وقت الحساب (751)
..................
قلبي خلاص
ما عدش فيه ليكوا مكان
خبيت كتير وداريت
في قسوتكم لزمان
قدامي تسقوا في الورود
وتطبطبوا على كل عود
وفى ضهري تبنوا في السدود
أقوول ده أيه
قفلتوا باب مفتوح لكم
وخسرتوا ناس بتحبكم
فاكرين فرحنا يهمكم
حزنتوا ليه
لا سؤال ولا حتى عتاب
ولا حتى خاطر للي غاب
هييجي وقت للحساب
برخيص هبيع
بكره الصغير يوم يعود
ده هو سندي وضل عود
هيشيلني يوم موتي وأعود
جنب اللي راح
جوايا جرح ما إتقفل
والحزن زاد برك الجمل
سممتوا قلبي لا عاد أمل
ليكوا ونجاه
خلاص زهيقنا من الوشوش
بميزانكم إنتوا ما تساووش
جواكم بان ما تذوقوش
مات الوصال
ترابكوا كنا نقدره
واللي فى أيدينا نوصله
دلوقتي إنتوا هتخسروا
حتى السلام
كتر السماح قساكوا
وعرفنا مقدار كرهكم
ما لكوش أمان
حتى الطريق لا هنمشي فيه
وشطبنا ليل ليكوا ذكرى بيه
ووجودكم مات
بقلم .. صبري رسلان
ليست هناك تعليقات:
إرسال تعليق