دموع غربه (743)
..............
ياما فى الغربه
ناسوني
ولا حدش شاف دمع الخد
وقت الفرحه فاتوني
باعوا قلبي وإحساسه وود
وجعي وليلي شاكوا لي
بأشواكهم بانيين ميه سد
تروي الدمعه ورودي
وجوايا ليل صمت إتمد
نفسي أصرخ ليه أذوني
وأنا ليهم وعشانهم سد
بفرح يوم ضحكوا لي
بان حلمي اللي
بنيته إتهد
يوم عايش مش عايش
نبض الروح من الوحدة إتسد
ياما كدبت عيوني
ولا صدقتيش حضني إترد
مهما عملت بلاقي اللي حصدته
ده شوك مش ورد
قسوة غربه ليلي
ضاع فيها عمري إزاي يتعد
قالوا الصبر مداوي
دوقت مرار
ولا داقهوش حد
أرسم ضحكه وناوى
أزرع غصن أمان فيه ود
وأدفن ليل أوجاعي
وما أتمنى دموع غربه لحد
بقلم .. صبري رسلان
ليست هناك تعليقات:
إرسال تعليق