زجلية بعنوان:
عمر لمطامر ..
بقلم: حميد النكادي...
فْ حَرْ الصيف
ؤ الشّوم الݣادي
تِيبْس السنابل
ؤُ تْمَدْ عنقها
للمنجل الماضي
بعدما كانت
فْ الحقول
خضرة يشوفها
الْغادي ؤ الْجايْ
البادي ؤ العادي
لّي يَدْرَسْ يدرس
يْعَمَّرْ لمطامر
بْ حَبْ صْفَر
كي الذهب الصافي
ؤ شي يمشي
للحصايد يْصَيَّفْ
يجمع من
بين التبن
السبول الباقي
هي الدنيا
إلا عطاتك ؤ
عطاك العاطي
عمر لمطامر
ؤ من التبن
دير الْبال
تعلف لبهايم
أ سيد القاضي ..
فرنسا 28/10/2024
ليست هناك تعليقات:
إرسال تعليق