إلى متى ؟
بشعر العامية المصرية.
حوادث عالطرق بتزيد وكل يوم تفاجئنا
حادثه ورا حادثه واحنا ما صدقنا كده فقنا
عالأرض سالت دماء قرايب لنا وحبايبنا
مين يحل اللغز ويزيل الأسى ومتاعبنا
أوجاعنا زادت وطالت ومن كتر العَزَا دبنا
ميت ومكسور وجريح كلهم شدوا اعصابنا
الحزن عشش وخيم وسيطر على مدامعنا
فكروا معايا ف حل يمنع حزننا ومصايبنا
لحد إمتى حنفضل شايلين الهموم وعذابنا
لو دا ابتلاء راضيين وان كان عقاب تُبْنا
**********************
بقلم د / عبد الرحمن فتحي الحناوي.
من مصر.
السبت ٢٦ من أكتوبر ( تشرين اول) سنة ٢٠٢٤.
ليست هناك تعليقات:
إرسال تعليق