..... يرحم ايامك......
فاكرينك والله لسه الناس
بشرايطك وشربوشك والجاز
يرحم ايامك والله زمان
ايام الخير والبركه كانوا عزاز
كانت الدار في احسن انجاز
مشوي ومقلي ومحشي كمان
نارك طارحه الخير احراز
كل العيلة حواليلك ملمومه
في عز البر تدفي الجته
كنت عزيز كما الإعجاز
كل اساسك ابره وجاز
قالوا الموضه في البوتجاز
قولنا ومالوا راحه للناس
بس رايح الراحه جات بالعكس
تشبهه سجن حابس الانفاس
والسجان أنبوبة الغاز
ابو العيال جاي وشقيان
ومفيش نار للبوتجاز
حتي اللقمه مش موجوده
بقا معقوله الموضه ياناس
يوميه ماجبتش ميتين
بايجار كتير ساكنين
اولاد ومدارس مش راحمين
وديون العيشه كالكساكين
والغاز اهو زودها بطين
انبوبه البوتجاز بميه وتمانين
يرحم ايامك يا وابور
انت واختك لمبة جاز
كانت ايامكم احلي ايام
وفاكرينكم والله لسه الناس
يرحم ايامك يا وابور الجاز
.... يرحم ايامك....
بقلمي محمد رمضان عبدالسلام
ليست هناك تعليقات:
إرسال تعليق