حال الدنيا
تعدى شهور تعدى سنين
وناس تايهة مع التايهين
وناس منداسة مش واعيين
وناس تقضى عشاها نوم
وحال الدنيا متدهور
تعيش متهان ومتدحور
تعيش متصان يقولوا اعور
هموم بالكوم
ياناس عايشة ومش دارية
تشوفوا الدنيا ليه عارية
عشان مركبنا مش سارية
يزيد اللوم
عايشين بالستر حامدينه
ولو بالدقه شاكرينه
وكل واحد ربنا يعينه
وصبره يدوم
محتاجه معافرة فى الدنيا
تعيش وتسد
ياما فى لحظة او ثانية
كله هايتهد
تقع وتقوم
يادنيا اسية غدارة
وملكيش حل
ياريتها بشيشة وسجارة
كانت تتحل
يعدى اليوم
ويوم ورا يوم هانستنى
نعيش احلام ونتمنى
يدوم الود اللى مابينا
يارب يدوم
حال الدنيا
كلماتى محمد تريكة تريكة
ليست هناك تعليقات:
إرسال تعليق