بشعر العامية المصرية
شدي حيلك يا طماطم
شدي حيلك يا طماطم وارفعي السعر كمان
الأنبوبة غلّت قبلِك والغاز فيها مش مليان
انتي لسه ما حصلتيش ربع سعرها حتى الآن
يا طماطم يا بطاطس يا بصل يابو العرشان
إيه جرالكم طول عمركم مصاحبينا من زمان
دي عشرة عمر وانتو السبب الفقير لسه بيتهان
حرام عليكم فيه ناس غيركم أكبرها بيبات جعان
يوم بيوم على قد حاله قرب عقله يجيله توهان
****. ****. ****. ****. ****
اقفل بقك واحمد ربك إنك عايش كده في أمان
فيه ناس عايشه في رعب وخوف وسنينها كلها حرمان
بص عليها كده حواليك وبص جنبك عالسودان
حال العرب ساء كده ليه وصاروا فريسه للطغيان
والغلا كده بيمد إيديه وضاغط ضغط علي الأوطان
ارحم ربي شعوب محتاجة صبرت ياما على الحرمان
وارخي الحال على أي غلابه تعبت من كتر الكتمان
*****************
بقلم د / عبد الرحمن فتحي الحناوي .
من مصر .
الخميس ١٩ من سبتمبر . ( أيلول) سنة ٢٠٢٤.
ليست هناك تعليقات:
إرسال تعليق