بلد،، السخافة
*************
اشعار / ياسر عبد الحميد
______________
العَتب،، مش ع النظر
العَتب كان في الضيافة
و الكلام المختصر
اللي فيه ما بقاش ثقافة
شوفنا معني بيحتضر
مفردات زي الكنافة
دنيا جمعها القدر
فيها ناس اوبشن سخافة
انتوا ايه،،، ما بتزهقوش
انتوا ناس
تلبس وشوش تقلع وشوش
حتي لو مَيِت ما بينهم
جه ميعاده و ف عزاه ما إترحموش
انتوا،، ايه،، ما بتزهقوش
انتوا عارفين الحكاية
و علبة الكبريت في بالكم
هية اوضة و في النهاية
ما اتشافتش لحد غيركم
في اللي سقف،، و اللي طبل
و اللي وسط كلامه هَبل
و اللي قال انا مش فقير
و اللي شاف نفسه الكبير
و اللي عمل المستحيل
و كَسر نَفسه عليه تكمل
هيه اصلا م البدايه
مجموعات شارده ف خيالكم
عملوا شلة و كات حكايه
بتشوفوها،، اخدتو بالكم
في المنافسة الاقي غيرة
من مناظر شيك و عيرة
و اللبانة بتبقا سيرة
لو في حد في يوم عاندكم
اصلها مش ابعدية
و الكلام مالبقاش يفيد
اسطوانة هية هية
غَير الاشكال و عيد
و اللي قال يوم عن بهية
غيره قالها زمان،، أكيد
غيرو ا المفهوم شوية
ولا حالكم بات عنيد
ليست هناك تعليقات:
إرسال تعليق