......... أحنا اللي قتلناكم ........
********************
واهو مات بالجوع هنا قدامها
طبعاً وأكيد قلبها موجوع ؟
والألم اللي مصاحب ليها
بيجري بشرايين جوه ضلوع ؟
والحسرة اللي في قلبها منا
فاقت لألام الملسوع ؟
والمر اللي بحلقها بايت
ماهيمحيه لو (١٠٠) ينبوع ؟
والضلمة اللي هتفضل فيها
ماتنور لياليها شموع ؟ ..
أحنا اللي قتلناكم أحنا
هنا بخنوعنا لكام جربوع ؟
أحنا الذكران مكتوب دوت
هنا ببطايق تحديد نوع ؟
أما حقيقة فلو تسألني
أحنا التخمة وأحنا الجوع ؟
أحنا الفقر بكل حالاته
والأغنيا مع (١٠٠ ) ممنوع ؟
أحنا الصوت العالي يصمك
وأحنا الواطي ومش مسموع ؟
أحنا اللي قتلناكم أختي
أحنا الأصل وبعده فروع ؟
بقلمي.. الشاعر ياسر فؤاد الجدي
الثلاثاء .. ٢/٧/٢٠٢٤
ليست هناك تعليقات:
إرسال تعليق