كان لازم ....بقلم الشاعر السيد محمد

 بقلمى / السيد محمد

   ( كان لازم ) 

حضورى وياك كان لازم..

حتى لو مفيش رساله منك

 أو مكالمه أو فكرت ترن..

كان لازم أكون معاك وأقاسم..

قلبك فى الفرح وفى الحزن ،

لو الفراق مكتوب 

على صدرى بطلاسم ..

عمرى ما أرجع عنك وأكن ..

حتى لو بُعادك

 كان عنى أمر حاسم..

لو فى يوم وقعت فى شده،

 أنا قلبى عليك بيبكى وبيئن..

طيفك فى عيونى فى كل المواسم..

وعشقك طفل بيكبر في قلبى ،

وأنا كل مشاعري بترجع ليك وبتحن..

بقلم / السيد محمد