بشعر العامية المصرية
( العين تفلق حجر )
من زمان شفت الأماني
جايه راكبه ناقه بني
قلت خير ايه دا اللي جاني
مين دعا لي وراضي عني
ناقه شايله خير كتير
لحم طازه معاه فطير
قلت اوزع عالفقير
بس جاني اللي شاغلني
قوموا نادوا عالحراس
شوفوا ليه جايين الناس
ياكلوا ويشربوا من خيرنا
ويشتموا في أعز الناس
قالوا العين تفلق حجر
وقالوا كمان تعمي البصر
ربي حوش عنا الخطر
نعمل ايه ف قلوب الناس
****. ****. ****. ****
مش كفايه علينا شله
فارضه عالناس المذله
اللي حاسد واللي ساحر
واللي شايل ألف عله
خلي بالك دول يا شاطر
من زمان ما لهمش مله
الشيِطان عمّال يتاجر
كل يوم بيهم يتسلى
********************
بقلم د / عبد الرحمن فتحي الحناوي .
من مصر .
الثلاثاء ٢٥ من يونيو ( حزيران سنة ٢٠٢٤ .
ليست هناك تعليقات:
إرسال تعليق