قلب و روح (694)
..............
هتدارى وتهرب مني
تهرب مني قول لي لفين
ده أنا قلبك بدقاته
وإنت الروح ونين العين
سحرت عيوني بكلامك
وبيعت الدنيا علشانك
نسيت حتى اللي كان مني
طويت أحلامي لخيالك
مين يقدر ويستغنى
عن التاني ووحده يطير
هتقدر تمشي وتسيبني
طب ده إزاي وعشق سنين
ليالينا اللي كات بينا
ونظرات عين كلام عاشقين
وهمس الشوق ويا جماله
بيعزف دقه بين قلبين
فى لحظه عيونا تتصالح
بعد خصام دقيقه وإثنين
ومين الغلطان ومين سامح
ومين اللي بيجري يحضن مين
ما أحلى الحب في خصامه
وهمسه قربه شهد سنين
فرحه ودمعه ده نصيبنا
ومن المكتوب هنهرب فين
تغمض عين وتفتحها
ده مش حلم ده حقيقة
بينهي روايه العاشقين
وآه من الحزن والدمعه
ومين مكتوب يفارق مين
بقلم .. صبري رسلان
ليست هناك تعليقات:
إرسال تعليق