الثلاثاء، 30 أبريل 2024

الشعب مات ...بقلم الشاعر حربي علي

 زجل

( الشعب مات ) 


بعد  ماكنا  نجاهد  في الجيش

بقينا  نحارب في:   أكل العيش

شفت  إزاي  الحال إتغير؟ 

من: 

وضع معاك / لمفيش ؟؟؟؟؟؟؟ 


من:  هنا  تعرف   عايشين  إزاي

مهما  أوصفلك  هتقول:    نساي

كل  الشعب  مات     مش  جاي

عسى جيل ييجي غيرنا  يعيش

بعد  ماكنا   نجاهد  في الجيش

بقينا  نحارب  في:   أكل العيش


من:  ساعة    ما المسمى  إتغير

حتى الوقت   بقى عمره  قصير

حب  الدنيا   بقى:   حب  مكور

والأرض بحالها تتشاط متجيش

بعد  ماكنا   نجاهد  في الجيش

بقينا  نحارب  في:   أكل العيش


فكر   شوية     تحاسب   نفسك

شوف ضميرك وإيه كان ناقصك

هتلاقى نفسك حتى نسيت ربك

مع إن:   ربك  فاكرك / مانسيش

بعد  ماكنا    نجاهد  في الجيش

بقينا  نحارب   في:   أكل العيش

شفت إزاي الحال إتغير؟ 

من: 

وضع معاك / لمفيش ؟؟؟؟؟؟؟؟


كلمات: 

حربي علي

شاعر السويس

ليست هناك تعليقات:

إرسال تعليق

الجزء الثاني من تأملات ...بقلم الكاتب سمير حموده

 الجزء الثانى من ...~~~( تأملات وجدانيه ) ~~~ الاعماق هى بئر الحقيقه.. والاسطح مجرد ومضات بريقه لكنها... لاتشى بشئ مهم .. وحساباتها دوما ليس...