فلكي همسات ....بقلم الشاعر د.عبد المنعم الفقي

 د/عبدالمنعم الفقي

......

فلكي همسات(كذب المنجمون ولو صدقوا)

.....

الثور

سهمك ياولدي لفوق           يزيد  بحب الناس

وأصحي ياولدي وفوق       أصل الكلام حساس

الجوزاء

حاسب نفسك قبل النوم.     وأوزن بين الخير والشر

راجع فعلك طول اليوم.      وبلاش تعمل شيء يضر

السرطان

قالوا عليك الناس مجنون     علشان ماشي تقول في كلام

وأبعد عنك أي ظنون                  ولا تسبحش مع الأوهام 

الأسد

أحترت يابني معاك              وشك.  مش.  زي   قلبك

كل القلوب    كارهاك.           وأنا نفسي في يوم تحبك

العذراء

فتح عينك شغل عقلك         أصلي ياولدي زمنك.    قاسي

وأوعي تخيب نظرة أهلك.    وأنت عملت لي كالوا في راسي

الميزان

السكة مش  سكتك.            أخرتها يا بني   ندامة

لو ليك ياولدي كبير           توصل   بكل     سلامة

العقرب

حلمك مالوش  تفسير        أوعاك  تقوله.   لحد

لو  ليك ياولدي كبير          كان   شد. ودنك شد

القوس 

زمن العناتر    بح             عايشين   زمن  بدران

دا  الحب يابني شح        صحصح تعيش في أمان

الجدي

إنسي عمايل إمبارح.       وأشطبها من  الذكري

دا الحب سهمه جارح      والحية حتبقي كبري

الدلو

أنا  عارفك  يابني طيب.   بس أنت  ليه  مدفوع

دمعك كده  ليه   قريب.    والقلب ليه   موجوع

الحوت

أخرة   طريقك   فرح.       وكتير من   المعازيم

وأسأل  عن اللي  أنجرح     حتلاقي سببه حريم

الحمل

الدنيا  ليه    معانداك         مش عايزة   تتصاحب

وشايفها ماشية معاك         بتلاغي    بالحاجب

.....د/عبدالمنعم الفقي........