أنا والبحر لسه أصحاب
لا عمره غاب عن عيني
ولا عيني تشوفه سراب
وأنا والنعمه بأرتاح له
ودايما قلبي مفتوح له
ب يحكي لي كل أسراره
وبشكيله م البشر لو عاب
وبيننا عشره علي الغالي
لا جالي في يوم يأنبني
ولا يسيبني فقلبي عذاب
تجينا الخلق يوم ورا يوم
نطبطب ع إللي خاصمه النوم
وعلي المايل نشده يقوم
بدون معلوم ثواب × ثواب
وويا البحر قلبي صريح
ورغم إننا مجاريح
نقابل الريح بوش بشوش
ونرسم فرحنا في وشوش
غبنها أي واحد سو
يقولي ياضو إوعي العيب
د رزقك إنكتب في الغيب
وأنا رزقك والنصيب غلاب
سعيد الضو
ليست هناك تعليقات:
إرسال تعليق