سبحانك اللهم يا خالق
من قلوبنا قلوب
أولادنا من صلبنا
نسعي عشان رزقهم
ونشقي حتي ندوب
الدنيا من غير خلف
يبقي الأمل مقطوع
هما النعيم والعذاب
والوعد والمكتوب
واعطف علي أمك
كما عطفت عليك أمك
وأنت صغير يا ما حبتك أمك
تسع شهور وهي شيلاك
جوه الحشا أمك
وهي ال أجري لبنها
في العروق دمك
يا ما سهرت ليالي
تشيل همك
لو قلت آه من الألم
تقول إن شاالله يا أخوي أمك
مش لما تكبر تروح تجوز
وكمان تروح السوق
تجيب الحلو في كمك
تيجي تغمز العزيزة مراتك
وتنسي ال شافته أمك
شوف الصحابي ال كرر
علي حضرة النبي وقال له
مين أحق بصحبتي
قال له أمك
أكرم كبشة
ليست هناك تعليقات:
إرسال تعليق