قصيدة بعنوان
(متحسدونيش؟؟؟؟)
متحسدونيش.
على غربة
وفاكرين إني
أنا مرتاح.
وفاكرين في
الغربةحياتي.
براح.
متحسدونيش
على غربة.
قضيناها حياتنا
تعتير.
الماضي زي الحاضر
ما يفرقش كتير
بدون تغيير.
ال اتغير.
لون جلدك ال نحس.
من الشمس
في عز النار
ومن البرد
في شتا مرار.
بدون تفسير.
عيونك الدبلانه.
ودموعك ال
مش نشفى على
المنديل.
فصابت العين.
بالعمى بعد ما
كنت بصير.
متحسدونيش.
على حبة قروش
مابيجوش الا
ما تطفح دم.
وما بتدوقش منها
الا يادوب فتافيت.
وشربك سم.
متحسدونيش على غربة
قتلانه
وعدمانه
وعميانه
وصورتنا فيها بالألوان.
رسمانه على الجدران.
شخبطة
ونادر فينا شكل يبان.
هي إيه فيها حياتنا
ومفرقان بالجملة
فينا ال يبات متعري
وفينا ال مسه
جان نادر تلاقي
العقل ال كان
جوان متعان.
حياتنا فيها العجب
متخبي في عيون
غلبان.
منا ال أكله رغيف
عيش حاف
ويقضي بقيت
يومه جعان.
محروم من
الهنا ال بتعملوا
النسوان.
متحسدونيش.
على غربة.
بعدتني عن أمي
والأهل والصحبة
والأولاد والزوجة
وحياة تغم.
مليها الهم.
والشيلة على الكتف
أتقل من الجبل.
والقرش ال من العرق
والتعب يدوب
بيتلم.
وبتحوش على الفاضي.
والحسنه لو عملتها
بتخص والسيئه بتعم.
وتحسب وتعد.
وتغلط في العد
وترجع تحسب من الأول
وال فاضل من الحساب
كم. كم لسه.
من الباقي
الا شوية ذم.
متحسدونيش.
على غربة الفنكوش.
إن لو تقدر تعالى
عني وحوش.
وحوش بتنهشني.
في دور مغشوش.
في مسرحية
الزمن ال عدت
علي رتوش.
هد الحيل وراح.
ال كان في صالب
الحيل من الويل.
والقهر معاه الذل
ويا الآه ولومالت
علي الدنيا.
الكل علي يميل.
متحسدونيش على الغربة.
ال فيها الفرحة
على ناي بيرن.
على الأوجاع.
والحلم ال عدى
وضاع
متحسدونيش على راحتي
ال مش راحة.
على قلبي ال معدش
من دمه بيضخ.
في أوصالي.
ونومي ال مخاصمني
ليالي غير حبة
ساعات لو جالي.
وعقلي ال من
التفكير هايطق.
وقلوب ال عاصيه
ترق.
وعلى قلبي
ال خاصم جسدي
فبطل لي
يدق.
متحسدونيش.
على بنتي ال ريحه
الجامعه وبتتلفت
في وسط الزحمه
على أبوها ال مش لقياه.
ولا مرة في يوم.
صاحبها صحبها
معاه مشيين على
طريق الشوق
بيفرجها على الفساتين
داخل البتاريين
هاشتري ليك طقم
على ذوقه
وتكون لبساه
يناديها تكون سمعاه.
يشاور لها تشاو له.
فيفرح إنها شيفاه.
متحسدونيش على
الطفله آخر العنقود
ال قرفاني يابابا
إمتى من الغربه
تعود.
رنة تليفونها
بيجز في بالسكين.
لاقادر أقنعها وأقول
لها بعدين ولاقادر
أقولها إنتظري باقي لي
في الغربة يومين.
وهاجي لك وهاخدك
بالأحضان وهاجيب لك
من الفرح ألوان.
متحسدونيش.
1/9/2023
(ترنيمات وخواطر بقلم...........)
ليست هناك تعليقات:
إرسال تعليق