سلملى على عينيك ياابو سمرة
ياما دوبت فيهم من نظرة
وخادونى وودونى بعيد
كأنهم مزيكا وخمرة
والقاعدة على النيل والخضرة
والنجمة اللى مصاحبة القمرة
وشوقك قبل المواعيد
والحلم اللى هيطرح بكرة
وسلم على قلبك بالمرة
ياما حلالى الدنيا المرة
ياما خلى قلبى سعيد
بعد ماكان للأحزان عبرة
قاسية علينا الدنيا الغادرة
قلبها ظالم زى الحجرة
ظلمتنا وقلبى وحيد
ولا خدناش منها الا الحسرة
سلوى محمود
ليست هناك تعليقات:
إرسال تعليق