قصيدة بعنوان
(خايف؟؟؟؟؟؟!!)
خايف من بكره.
وخايف ليبان عجزي.
وأحس إني مقصر.
وأبان إني صغير
في نظركم والراجل
ال كان بيسد عين
الشمس مش باين
حتى قدامكم.
ومقدرش أوفي طلباتكم.
خايف أكون حجر عثره
واقف في طريقكم.
خايف من الدنيا
إن تلف وتدور بي.
والضحكه تموت من
وشوشكم.
والقلب ال كان بيتحمل.
مش قادر حتى يسعدكم.
خايف من بكره.
وخايف من المسافات
تطول بيني وبينكم
وتتعدى حدودكم
خايف من بكره.
لا يجي اليوم مقدرش
أمسح دمعتكم.
خايف من كلاب سعرانه.
تنهش أعراضكم.
خايف من الضهر المسنوده
عليها إكتافكم تتحطم.
مقدرش أهش بعصاتي.
ذيابه تكون سبب
في مشاكلكم.
بتقولوا اتوكل على
ربك مين قال ما نيش
متوكل على ربي.
الخوف من
الأيام ال جايه.
فوق حمل وطاقة
إرادتكم..........
وحاطت إيدي على قلبي.
والصحه ال كانت في.
والقوي ال كان
بيلملم ويطبطب
ويعافر خلاص بقى
شايب قدام عيونكم.
خايف والله أنا خايف.
لا فجأة تتغير
أحوالكم.
والأبن ال كنت بقول
دا سندي في عجزي.
يرميني وما أهونش
عليه ويكون السبب
في إرباككم.
خايف يا بناتي عليكم.
لا تجي لي الساعه.
ال أكون فيها مشلوش.
ومش قادر أستركم.
ال باين وال ظاهر.
عندي أنا شايف
كل الأيام ال
جاي بتتحول
وبتتغير من أسوأ
لأسوأ وما فيش دليل
بيوضح قدامي.
إنكم هاتحققوا
أمانيكم وكأن الدنيا
ال جاي خلف خلاف.
ضد الضد في
إخفاقكم
والناس بتلف حوالين
بعضيها والحب
ال كان في قلوبهم
بقا شر بيكشر
على أنيابه
ونفسهم يكسروا
بخاطركم........
خايف من نفسي.
لاتثور وماكنش
أنا نفسي مش عارف
أنا أيه خايف
من الضربه لاتيجلكم.
من ناس فاكرينها.
إنهم في أساسكم
وكانوا منكم............
خايف .......
من الحلم إل كنت
منتظرينه يتحقق.
يطلع على فشوش.
ويطلع كابوس
بيفجع وبيخنق.
في مصيركم.
خايف وبشد
في شعري وبقول
بأعلى الصوت.
يارب ما يجي
لي اليوم وأشوف.
الشماته في
عيون أعداءكم.
خايف........
والحزن من جوايي
ماليني وبدعي لربي
يسعد ويعلي
بمراتبكم..........
خايف لايجيني
الموت ويخدني.
وأموت على فراشي.
من دونكم.
أو قلوبكم تتحول عني
ماتكنش هي نفس
قلوبكم........
خايف..........
30/9/2023
(ترنيمات وخواطر.بقلم...........)
ليست هناك تعليقات:
إرسال تعليق