==== نفاق ملعون ====
تحت عجلات الزمن
بقيت تحتها مطحون
لا فاكر إمبارح
ولا داري ببكره
وف الهموم معجون
مستني يجيني الأمل
في شيء يكون مضمون
عجبي عليكي دنيتي
العاقل نقول
عليه مجنون
صدقنا فيكي المنافق
وكذبنا كلام موزون
وإيه العمل في ناس
وشوشهم بألف لون
البسمه على الوجوه
و فيهم السواد مخزون
يضربوا فينا بكلامهم
زى الشيطان ملعون
صبرا جاى اليوم
و كل آلامنا تهون
تظهر شمس جديدة
ويملأ نورها الكون
حياتنا تبقى سعيدة
براحة بال وسكون
ونرضى بالمقسوم
ونعيشها مهما يكون
بقلمي
صلاح شعبان الفيداوي
القاهرة
٢٥/٨/٢٠٢٣
ليست هناك تعليقات:
إرسال تعليق