"" "" "" مالك يادنيا "" "" ""
في ايـــــــــه يادنيا مالك ومال ناسك
ليــــــــه حطانا ودايسه علينا بتروسك
فرمانه هموم ومواجع ولا حاجه بتحوشك
هو العيب فينا ولا العيب في زمانك؟
الكل ماشي مدروش يلعن في ايامـــــــك.
الضلمه اصبحت سر من اسرارك
والظلم لابس تاج متربع علي عرشك
والشيطان وسط البشر راسم واشمك
محناش ملايكه ولا خالين من ذنبك
لكن فين الرحمه اللي في ايامك
ليــــــــه بتقسي قلوب الناس بقسوتك
ليه بتخلي الدم يسيل بدروبك
ليــــــــه قتلت الحق بشوارعك
ودفنتي الطيبه بترابك
وسيبتي الاندال تركب موجتك
ليه الكل مخدوع بمظاهرك
وتتكحل عيون ببحور من دمعك
حاطه صوره كدابه تشدي بيها عشاقك
ويجروا عليكي بلهفه والكل مخدوع بجانبك
مفكرين نفسهم اسياد وهما والله كلابك.
الشكوه لله رب العباد ورب عبادك
"" "" "" مالك يادنيا "" "" "" بقلمي محمد رمضان..... 29/7/2023
ليست هناك تعليقات:
إرسال تعليق