أنا وحيدة ما بين مليون
وضاق صدرى بوسع الكون
وتايهة ما بين كان وبين هيكون
وجوايا مية عاقل ومية مجنون
بيتخانقوا ويتصالحوا
وآخر الليل بيتعازموا
على حلم مالوهش جفون
أنا والحب والدنيا
حكاية بمية وش ومية لون
وانت فيها ياحبيبى
لاحقيقة ولاوهم
ولا حاضر ولا غايب
ولا قاسى ولا حنون
ولا عارفة انت فين ولا امتى
أنا شايفاك ضياعى وساكتة
بتقطع قلبى مية حتة
وتلمه يحلفك ماتخون
تعبتنى قلق وظنون
وطيرتنى فرح بجنون
ورب كن فيكون
ورب الألف والنون
أنا عايشاك ندم مسجون
وماضى بالألم مسكون
وشايفاك ومش شايفاك
وضايع منى ولاقياك
ياليل ضلمة مالوهش عيون
يانور علشانه كله يهون
سلوى محمود
ليست هناك تعليقات:
إرسال تعليق