*****((( بِجَنب العَين )))*****
ياما ستَنيتِك بِجَنب العين
بِعيوني شُفتِك حاملة الجَرة
صُرتي تِنِشلي مَي بالإيدين
وكُل يوم عَم تعيدي هَالكَرة
ناطرِك يِمكِن سنة وسِنتين
بشوفِك تِنِشلي ونازلة الغُرة
بتِطَلَعي صَوبي انا مسكين
مِتلَبِك موَلِع من النَظرة
سهام من لِعيون في سهمين
صِبتي القَلب والروح في وَرطة
حَسيت إنه القَلب صار يلين
شايِف جَمالِك غالية الدُرة
لو تِرحميني ما إلي قَلبين
قَلبي بِحِب الغَزَل والسَمرة
منين جِبتي عُيونِك الثِنتين
قَلبي إنحَرَق موَلِع بجَمرة
عِندي تَعي وشفافِك القُطين
والحلا من شفافِك سقى التَمرة
والجوري يلي لَوَن الخَدين
سكِرت مِنهُن غالية الخَمرة
..بقلمي..ياسين مصطفى بكري.....
ليست هناك تعليقات:
إرسال تعليق