أصحاب جامدين
---------------
شعر / ياسر عبد الحميد
---------------------------
أصحاب جامدين بس مصالح
بيجاملو كتير في طريق مالح
ع الغير راح يقطعو ميتهم
و النيه ضمير غايب طالح
عايشين في الدور و بيدو دروس
فَاعلُن فاعل في الرد يدوس
لو جاي عليهم يلقوا كابوس
و بيرموا عليك فلحوس ناصح
بيزيدو الكوم يطلع عشرة
و يذيعوا و يعلنوا في النشرة
و يبيعوا في ناسهم و العِشرة
بدهب قشرة و ماهوش ناصع
هيه مطارح محجوزة تبقا علي هواهم
صاحب ناصح و اصحاب بتسقف لرضاهم
و نجوم الليل طالعة تنور علبة كبريت
مين العفريت اللي ما بينهم أصبح فالح
-------------------------
ليست هناك تعليقات:
إرسال تعليق