(تراثنا الشعبى القديم فى وعاء..بين الاندثار او الابقاء )
* اسمع حكايتك بلسان خفّه ودلع.. من فمّ ضاربة الودع *
ـــــــــــــــــــــــــــــــــــــــــــــــــــــــــــــــــــــــــــــــــــ*
كنت نايم ب حلم ببكره .. واشوف مخبيلى جواه ايه *
صحيت على صوت بتاعت الودع ماشيه... وتنادى عليه *
اضرب الرمل واشوف الودع .. عايزه ياست ...عايز يابيه *
قلت من باب الزهق .... اناديها واسمع كلامها..واتسلّى بيه *
نادتها تعالى ياست..انا من زمان نفسى اسمع دجلك وبلاويه *
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرشت منديلها ..وبعترت رملها.. وأديتنى ودعها اوشوش
فيه *
قالت ارمى بياضك ... خلّى الودع يسمع كلامك.. ويرد حالا عليه *
أهأهت من الضحك..حتى الودع بياخد مقدم هههههه واديتها كام جنيه *
ووشوشت الودع.بهمس مالوش سمع..قلتله ياودع قولى حكايته ايه *
خدت منى الودعه...ورميتها على الرمل بخفّه وصنعه..
ورئمت حواليه *
وقالت قلبك كبير.. وعدوينك كتير .. منهم قريب
والغدر باين فى عينيه *
خلّى بالك من جيرانك.العين بتئذى.. ويلعن كل مؤذى.
الشر كله بادي علي ايديه *
وصبيّه رايدالك الخير.. وقلبها فيك اسير.. بتحبك ورايداك وريدا ودك.... تاركها ليه ؟؟ *
اخر كلام.. وتسمع الكلام .. قلب ملهوف عليك.. وذنبه ايه ؟؟
خليك جنبه وقرّب منه وبص فى عينيه *
هتلاقى في عينيه لمعه سبقتها دمعه .. وايدالك صوابعها شمعه .. ولو رحل عنك انصحك ماتدورش عليه
..............................................................................
بصراحه أدهشتنى ! حزنتنى وفرحتنى! وحيرتنى
وهى قايمه ابتسمت بمكر ولهغت منى كام جنيه *
~~~~~~~~~ هههههههههههههههه ~~~~~~~~~*
ليست هناك تعليقات:
إرسال تعليق