حكاية حادي بادي
_____________
قلب العيال
دنيا وحياة
مزروعة أمل
منقوشة بالأحلام
حلم كبير
حلم صغنتوت
على قد الشمس م تفوت
زارعين حشاهم راحة
بين الضلوع واحة
فيها غنا ومواويل
وضي القمر ياليل
سهران والدنيا عيد
بيغنوا
هز الهلال يا سيد
بكرة رمضان
بعده نعيد
هز الهلال يا هلالى
زيح عتمة الليالى
هز الهلال يامنادى
محروسة ياأرض بلادى
والأم وسطيهم فرحانه
وحكاية حادى بادى
وقبل طلوع النهار
حلم العيال انهار
طلعوا شوية اباليس
زرعوا قلق
حصدوا الراحة
الدم سال ع التراب
رسم خريطة للوجع
الشمس طرحت الم
واهات ف البيوت
رصاصات غدر كتيرة
كل رصاصة
تقتل حلم ولد
تقتل حلم البلد
بقلمي
الناقد حمدى البوقى
ليست هناك تعليقات:
إرسال تعليق