* دقيقة حداد*
************
دقيقة حداد
ونتمنى الدقيقة تطول
لحد مانصحى
من الغفلة ونرجع تاني
للمعقول
ونبني ذاتنا من تاني
بعلم ووعي .. ينصف
المعدول
دقيقة حداد
بقولها خلاص بعلو
الصوت
تعبنا ياخلق من
عيشة مقضينها سكوت
وصابنا خلاص
خَرس دائم وبقا الأفضل
لينا الموت
دقيقة حداد
ومش هاأفضل أعيد
وأزيد
شبعنا خلاص من
إستعراض للقوة ومن
التهديد
وحكومات تشجب
وتستنكر
ونار جوانا ... كل يوم
بتزيد
دقيقة حداد
وجايز يكون للحداد
فايدة
يمكن في عز الصمت
وسكونه
تعود النخوة من تاني
تِطَفى نارنا القايدة
دقيقة حداد
وبعديها نلم شملنا تاني
وأي خلاف
كان بينا وبسببه إحناَ
بنعاني
نفارقه ونتسامح بشكل
حضاري وإنساني
وأرض المحنة نعمَرها
ونبنيها وأنا
معاكم أكون باني
دقيقة حداد
وكِترت يَاما دقايقنا
فَصَبحت
هُوجة على الأحقاد
وعلى
كل اللي .... ضايقنا
ولا
هامم حرفنا منهم
ولا من
ظلم .... مضايقنا
دقيقة حداد
وأنا
قلتلكم .. مبتكفيش
كتير
زادت ..... مشاكلنا
مابين
العيشة وأكل العيش
عشان
دنيتنا صارت غابة
وبقا
فيها كتير ... خفافيش
دقيقة حداد
صحيح قولناها
١٠٠مرة ... ومسكتناش
ومفيش
ظالم فضل بينا
يوم ..... ولا عاش
عشان
إحناَ رجالة
وأقلامنا مهيش صاحبة
كلام .... بكَاش
دقيقة حداد
وبعديها يكون لينا
طريق مرسوم
أساسه التقوى جوانا وهدفنا
يكون معلوم
نسير بالعلم والتنوير ولو
حتى
دقايقنا بقت كام
يوم
دقيقة حداد
وأنا شايفها ..... لَمِتنَا
مع إستعداد
قلوبنا مصافحة بعضيها
مع الإمداد
بطاقة حلوة .... إيجايبة
لكل أحبابنا .... الرواد
معانا حرفنا ... سلاحنا
وأقلامنا تقول ... أمجاد
عشان المحنة ماتعدي ولا
يبقى دقيقة حداد
........
قلمي
ليست هناك تعليقات:
إرسال تعليق