قصيدة بعنوان
(أنا الشاعر؟؟؟؟)
أنا الشاعر ال مش
محسوب على الشعرا
وال بيكتب كلام
خارج نطاق الخدمه
بدون قافيه
ولا قفله.
ولاموزون......
بيكتب عن ال يتسموا
وعن ال مايتسموش
وعن الزوجه ال مسوده
حياة زوجها
ومغرقاه في بحور
الهم ونتفا وبره
ووكله كبده من جوا
ومطلعا عينيه
لعنه سلسفيل أمه
وعن ال حنينه
الصالحه أم وجه
بشوش......
وعن ال منكده حياة
أمه ومنغصه يومه
بكام كلمه مستفزة
وعن ال طيبتها
وحلاوتها ورقتها
وأخلاقها مابين
نوعها ما يتعدوش
وعن ال شايله في
العموم همه
وواقفه سد منيع
في ضهره
وعن ال ماركبه
قناع السهوكه
وتتلوى كما التعابين
وإمبيته النيه بالغدر
مع ألف عشيق
فإتسمه فيتلوى
من وجع بطنه
قدام عينيها
فتتقمص دور
مش دورها بكام
دمعه وبإيديها
قال بتمسح
من الألم عرقه
مع إنها سماه
وعيونها فضحاها
وكشفاها
ومابينكسفوش.....
وعن الخاينه
والخاين وعن ظلم
مايتعدش نادر
في حقيقته
يبان.......
وعن عالم بلاألوان.
عن ال ضرب أخوه
بمطوة عشان ورثة.
فقتله وعن ال عايش
حياتة جعان.
وعن حب عليه قلبه
بيتألم وموجوع
ومجروح مع إنها
أوهام رسمها خياله
في أحلامه.
ويبات زعلان.
أنا الشاعر ال مفيش
زيه على الساحه.
بدون إسم ولا معروف
هو فين بيته.
ولا شارعه مع
إنه معروف وله
عنوان.....
بيكتب عن فقير
شنق نفسة من الحيرة
والتفكير في
بكرة ال جاي
مع إنه له تركها
لربه كان هايفرجها
فإستعجل على
رزقه فمات
خسران......
أنا الشاعر بدون إسم
ولا صفحه ولا عمره
درس شعر لا في
جامعه ولاكتاب.
ولكن سبحان
من خلا للكلام طعم
وتذوق بيقوله
من خلاله
لسان.....
طول عمر الكلام عني
في سيرتي الذاتيه
بليد بدون معنى
ولا حرف مع
إني ضليع
في سرد قصة حياة
طفل بريئ
إنهدر دمه
فمات غدر بإيد
سلطان....
أنا الشاعر ال
مش مذكور
أسمه في أي كتاب
ولا له في الشعر
دواوين في معارض
وبما إني فقير
بالشعر ومحزوف إسمي
من القايمه
بدون توقيع
لا هذا توقيعي
أنا شرقاوي
من بلد الكرم
والجود ولي زوجه
وأولاد وأصغرهم
في العدد بنت
زي لهطة القشطه
جمال وفصاحة
وغندرة وسميتها
رزان......
أنا طول عمري بأتحنجل
على القافيه
وأحاول أوضب بيت
في الشعر موزون
فدخلت في بحور
غويطه لا ليها
نهايه ولا آخر
وحاولت أتفلسف
وأتهندم وألبس
قناع الشعرا
زمان......
فكتبت عن أم
فقدت كل أولادها
بدون ذنب
أمام عينها
وقليل الدم
بيتفرج ببروده
عادي وبيضحك
وكأنه ماكان.
أنا من مابين الخلق
في شعري تلاقي
خمسمائة غلطه
ياإما في حرف أو معنى
ومع إني بعشق الحريم
موت وبهواهم
ومتيم بيهم وفراز
لكني إستحالة
أرتكب ذنب
وأعيش في حرام
وأحيانا أجي في الهايفه
وأصدر يإما بضحكه
أو بنكتايه وأهزر
وعند الجد سيف مسنون
كالحربه ومن قلمي
تلاقي بيان
فأقسم بيمين ربي
طيب وصاحب خلق
متدين وبحافظ
على العشرة
ومش تبع
نسوان........
2/5/2025
(بقلمي/شاعرالعاميه//خيرى حسنى)
ليست هناك تعليقات:
إرسال تعليق