(حياة الشاعر )
الشاعر بيعمل تكليفو
وبيتعب للشعر نشوفو
بيبقى صاحي طول الليل
وبيسند وجهو عكفوفو
وبيصير يحكي نجم سهيل
وللقمر ما بيعوفو
ومن السهر بيشوف الويل
والفكر خالي من ضيوفو
وبيحلق عظهور الخيل
الإلهام صعب توقيفو
ومن التفكير ما عندو حيل
ومعتمد ع تأليفو
وبيغرق من جرف السيل
وقلامو هي مقاديفو
وشايل هموم الدنيا شيل
وبيسافر من ميل لميل
حتى يجيب مصاريفو
بقلمي إسحاق قشاقش
ليست هناك تعليقات:
إرسال تعليق