( كلمات مآثورة بالعمل )
( جيت هنا
حاسس إني سيد الناس كلها
لقيت أصغر عيل بقوله ياسيدي )
( قلت أشتغل كتير يمكن أخد حقي
خدت بالكوسة حقي وزيادة )
( الشطارة لما تشتري ورقة أجازة
الغباوة لما تقول كل الحقيقة )
( إشتغلت بذمة ضيعت وقتي
عملت زي الناس ماخدتش دقيقة )
( حلمت يوم إني بقيت ريس
صحيت / لقيت نفسي سيرفس )
( إشتريت كل الناس بالماس
إشتروني هما بصفيح )
( كتبت على باب التاريخ أصلي
قفل التاريخ بابه )
( سقفت بإيدي شالوني إتنين
بطلت أسقف رموني )
( قالولي: تاخد أكشن يعني؟
تدخل مكتب المدير تسمع
وتقول حاضر وبس
وبره المكتب ماتعملش حاجه )
( قلت: لصاحبي بمفهومك الشغل كده غلط
قالي: ولو صح؟ إحنا كنا إشتغلنا )
( رحت لصاحبي أقوله آسف رد قالي؟
قولها تاني )
( دخلت صندوق الزمالة دفعت دم قلبي خرجت منه كسبت كتير )
( عشت للناس ضيعت حقي
حليت مشاكل الناس زادت مشاكلي )
( إشتغلت لحام
شلت ترانس لحام وخراطيم لمبة قطعية وصاروخ
إشتغلت ميكانيكي شلت مفتاح فرنساوي )
( قالي: إنت آخرك سواق بنسة
قلت على كده الحمار فنان؟ )
( قالولي: ماعنديش ضمير
ولما بعتو؟ كرموني )
( سألوني على الخوزة
ونسيوا إني لابس شبشب )
( عدلت في الصايدجايد كتبوا عليه إسمي
وبعد سنتين؟ رمووووه )
( ركبت الزمن عشان ألحق شغلي لما عرفوا طيروني )
( سيبك من ضميرك الفساد الحقيقي لما تدمر ضمير غيرك )
( كان نفسي أعرف إن ليا دور مهم معرفتش غير لما نمت وعملت غياب )
( بدلة الشغل إتقطعت رحت أغيرها قالولي: الزراير تعيش كتير )
( فكرت كتير شعري شاب بطلت أفكر إسمر تاني )
( رحت للدكتور أشكيله حالي نصحني ببرشامة كيتوفان )
( سيد الناس خادمهم وخادم الناس يستاهل )
( عشت العمر كله أطالب بحقى ولما ضاع إستريحت )
كلمات :
حربي علي
ليست هناك تعليقات:
إرسال تعليق