ذبول قلب (561)
.............
بين يوم وليله إتبدليت بساتيني بور
وليالي قاسيه فى حكمها
جفت بحور
ماشيه ما بين أشواك
وجع ودموع عتاب
وألوم في نفسي كنتي فين
من حب غاب
غمضت عين فتحتها تاه مني بكرة
عايشه يا دوب هجراني روح
وحطام لذكرى
فتيشت بين جدران قلق
أسهر ما لاقي
وطويت فى أمس كان حنان
وأنا الأناني
حتى الدموع عصيت تبان
فى عيوني تاني
والليل يا طوله فى وحديتي
و جفاه ومراره
ليه حرمت نفسي إني أعيش
ذكراه فى دارة
برواز بصورة ع الجدار
فستان وطرحه
دبلت حاجات إحساسي
مات ومرايتي فينها
خليتني أشوف ألوان
خداع كان وهم منها
حسيت بصدمه عمري راح
سحراني عينها
تاه همس ليل
تجاعيد سنين طلت بويلها
فات الآوان وقت ما كان
لغرور دافينها
يا خوفي من طعم الندم
والذكرى فينها
بقلم .. صبري رسلان
ليست هناك تعليقات:
إرسال تعليق