** رافضه أسمع **
******
أنا رافضه أسمع
أيوه رافضه
رافضه أسمع
تبريرات
واعتبرت كل حاجه
وأى حاجه
من اللى فات
بالنسبه ليا
إنه مات
* أيوه مات *
كنت فين
لما كنت مده أيدى
كنت فين
لما نزف دم وريدى
كنت فين
لما كانت صرختى
مسمعه لابعد حدود
كنت طالبه أيديك
أيديك تاخدنى
كنت عايزه أحس بيك
إنك عايزنى
لكن ماكنش لك أثر
فى الوجود
وعايزنى أسمع
تانى ليك
أنا كل اللى فات
بالنسبه ليا
ليا مات
* أيوه مات *
قصه انتهت
من البدايه للنهايه
كان البطل فيها
فيها الوشوش
تتغير وفى ثوانى
تلاقيها حد تانى
غير طبع الأوانى
والفرق فى الرتوش
بتغير فى الملامح
من طيبه لقلب جارح
وقت الحاجه تدور
عليه ما تلقاهوش
بقى مستحيل
وقصتى أكبر دليل
ومطلوب منى اسمع
لا لا وألف لا
كل اللى فات
بالنسبه ليا
ليا مات
* أيوه مات *
كلمات /عادل النمرسي
ليست هناك تعليقات:
إرسال تعليق