** كلي ليك **
*****
إتنازلت عن حلمى
ليك
قولت أولى بيه
عينيك
أصل فيهم رحلتى
وكل خطوه فى سكتى
وذكرياتى
مع كل همسه همستها
أو حتى كلمه قولتها
عن حياتى
حروفها ماتكمل
غير لما تلاقيك
بختصار
* أنا كلى ليك *
خد منى سنينى
خد منى حنينى
إلا الدموع
خد منى بسمتى
خد منى ضحكتى
تقيدلك شموع
تنور طريقك
وتحرسك
ورموشى تبقى
ضلتك
وقلبى نبضه
بينقص فى بعدك
وما بيكمل ياعمرى
غير بين ايديك
بختصار
* أنا كلى ليك *
معاك بكون ملكه زمانى
بين القلوب
شايفه مكانى مليان بالأمانى
وأحلام الغروب
لما ياخدنى نجم السما
لأ بعد مكان
المس حبات المطر
وينادى عليا القمر
والقى الحنان
أقول كفايا عايزك معايا
ماتكمل سعادتى
غير لما حلمى
يسكن عينيك
عرفت ليه اتنازلت
عن حلمى ليك
* أيوه ليك *
كلمات. / عادل النمرسي
ليست هناك تعليقات:
إرسال تعليق