عيون بصاصه (841)
..................
وإمتى الحر عاش مملوك
بلاش تدارى
في أحضان شوك
وترسم حبل بيه خنقوك
يا صاحبي الطبع ده غلاب
لأرواح عايشه ع الأوهام
وغلبوا أبو لمعه والكداب
فاتولنا الود جنب الحيط
وزرعوا الشر وسط البيت
عيون بصاصه نار بتشيط
كاسيها الغل ثوب أحزان
فتحنا الماضي كام صفحه
بحبر شيطانها ميه شفرة
وليل مخاصيمها فيه الفرحه
وخوف لتنام ولا تصحى
وعين بالمكر طقه شرار
ومين هيرافق السحره
غير اللي بيكره الأنوار
ويا سعده اللي ربه حماه
وقلب السحر ع السحرة
وويل ويلي على اللي إختار
نفاق الطبله والمزمار
وناس عايزه فى عينها رصاص
بيع دارها ودوارها
وبدل وحلها بالماس
لإمتى تطاطي ما هتعلى
تراب حقدك ملا الأنفاس
برخص وبيع يا ريت عاجل
عديم النخوةوالإحساس
بقلم .. صبري رسلان
ليست هناك تعليقات:
إرسال تعليق