*** لا ***
***
مطلوب مني أعتذر ؟
مطلوب مني أنكسر ؟
وأبقي لعبه بين ايديك
بمعني تاني
إنسانة ملهاش وجود
رافضه الأماني
وممنوعه من الردود
كل ده ليه
وليه يبقي باقي بكرامتي
عشان التزم السكوت
طب ما الأسهل إني
إني أموت
ولا إني أنكسر
*****
مش هقبل إني تاني
مش هقبل أبقي في مكاني
أ تعذب ليل نهار
وأرضي لقلبي جروح
تصاحبني منين ما اروح
وماليش حق إختيار
وده اللي عايزه قلبك
وفاكر انا بيه هحبك
وإعلنها بأعلي صوت
طب ما الأسهل إني
إني أموت
ولا إني أنكسر
*****
مستحيل
أبقي صوره رسمتها أيديك
مستحيل
لحظه أنا اعيشها ليك
أرجوك كفايه
عيب النهايه إنها خبت حاجات
كانت تعيبك
أبعد خلاص انتهى كل اللي كان
بيني وبينك
وفضيت ساحه الإنتظار
وده أخر قرار
رفضاك رافضه للإعتذار
ولو حتي من غير صوت
طب ما الأسهل إني
إني أموت
ولا إني أنكسر
*****
كلمات. / عادل النمرسي
ليست هناك تعليقات:
إرسال تعليق