ميلاد غرامي (201)
.................
مش قادرة أداري وأخبي
قالت عيوني
مهما لموني العوازل
فيك جرحوني
قلبي ده دق بغرامه
والشوق ماليني
أسهره له ليلي وأناجي
بعده كاويني
غمضت عيني لقيته
قلبه نداني
فارد جناحه وشالني
فارس أمالي
فستاني لابيض وطرحه
وآه يا ليلي
ما أحلاك يا شهد الغرام
بوصال حبيبي
يا قلبي داري وخبي
من عين لموني
ليطفوا شوق الأماني
وفيك أذوني
يا ريت يا فرحه تهلي
في عيون حبيبي
لا يحس قلبه بدمعه
ولا يوم أسيري
شيلاك يا قلبي بهوايا
لحن لغرامي
كتر يا فرح إبتسامته
هات لي ألامه
خليني عايشه لهناه
وحدي في زمانه
وأكون له بر السعادة
في حضنه إن لقاني
وأوصي بكره لا تيجي
بدري في ميعادك
أخر شويه شويه
تسعد ولادك
ده شوقنا لسه في بدايته
في شروق ميلادك
ميلاد غرامي في قلبه
وزهره ودادي
يا فرحه نامي في عيونا
أهو ده ميعادك
بقلم .. صبري رسلان
ليست هناك تعليقات:
إرسال تعليق