اسمع مني هالكلام ...بقلم الشاعر إسحاق قشاقش

 (إسمع مني هالكلام)

شو موضوعك يا سلام

ما متلك إجا حُكام

وجهك عطول مبَوَزْ

وفضيحة صرت عالإعلام

وعالكرسي صرت مهَزْهَزْ

ومن شعبك عما بتنلام

معقول عالروشة مرَكَزْ

وبتمنع صورة للكرام

كرمال وجودك يِتْعَزَزْ 

ولترضي بعض الحكام

وما بتقرا الأبجد هَوَزْ

وراكض لتحقق سلام

الصورة عمّْ تِتْجَهَزْ

وإلك موجه هالكلام

وعالروشة رح تتبرْوَزْ

ورح تبقى على الدوام

حتى لو بدك تتنَرْفَزْ

وعالحزب تعلن خصام

بالرد عليك بيتحفظ 

وعالكرسي ما إلك أيام

وعالعدو ما بتِتْلَفَظْ

وبتحكي معو بإحترام

والطقم لِ عليك مطَرَزْ

بدم الشُ هدا والأيتام

وبمَوْتْ الأطفال بتتلذَذْ 

حتى يعطوك الوسام

خليك لبناني بتتعَزَزْ

وبالوطن بتبقى ممَيَزْ

وما تعيش عمرك بالأوهام

بقلمي إسحاق قشاقش