دي متسابه
--------------
أشعار / ياسر عبد الحميد ،،#
----------------------------
سيبوني لدنيتي ،، وحدي
كعابي ،،الدايرة ،، دوابة
أنا العارف و ما بيدي
فايتهالكم ،، دي متسابة
و بدعيلهم في ليلة القدر
يهدي نفوس ماليها ،،الغدر
شيطانهم جار عليهم ،،حِكر
و انا اللي شايفها ،، بطيابة
دي متسابه
دي متسابه ،، لناس في الطبع مش طبعك
و ناس في كلامها قلابه
دي متسابه ،، لناس بترازي خلق الله
و ناس مصايبها ،، غلابه
دي متسابه ،، لناس بتشد حيلها بغِل
و ناس في سواد قلوبها ،، تمل
و ناس في كلام معاك ،، بتقل
عشان في الطبع نَهابة ،، بقت غابة
دي متسابة ،، ف سواد القلب
دي ناس كارهة ،، بتطلب حب
قلوبهم زي ليل هالك ،،
و في مهالك و متهالك ،،
و ياما حاولنا نصلحهم
يعودوا ،،زي ديل الكلب
دي متسابة
و قعر الحلة بات منحوت
مالوش مسحوق تنضف فيه
لو اديته ،،ميتين،، شلوت
بيرجع لو في يوم ،، تناديه
بييجي عليك عامل قصة
و لو في الكدب ،، يتوصي
دي ناس شبعت من الخِسة
في أي مكان بتطرح فيه
بتتحايل وتتسابق مع الخفافيش
و تتحالف مع شيطانها لجل يعيش
و تتعارك و بتضبش مع الغلبان
كما التعبان يبخ السم في رغيف عيش
دي ناس في الطبع كدابه ،، و سبابة
و ياما قالوها في الموال ،، علي ربابة ،، دي متسابة
ليست هناك تعليقات:
إرسال تعليق