.. رَايـق ..
................
صباح رايق يموت
في الهزار
يكشر ويضحك ووقت
الجد بياخد
قرار
ويقلب حياتك في ثانية
إلا ثانية
فرح وإنتصار
وصَاين عُهوده وثَابت
وجُودة
ويدخل
بيوتنا .. يفرح قلوبنا
بثبات
وإقتدار
صباح رايق بذكر الله
تسبح
قلوبنا إلهنا في عُلاه
فيرضى
علينا
فتسبق إيدينا خُطانا
لرضاه
دا رب
كريم بعبده عليم وعفوه
حماه
فكُن
مطمئن وإشكر لربك
ملكش
سواه
صباح رايق يطمن قلوبنا
بنكدب
ونلعب
ويستر عيوبنا
ويبعت رسايل وعد
الجمايل
مفيش حَد خالي
وصالك وصالي
ولازم هنرضى بكل
نصيبنا
صباح رايق يموت
في الهزار يطبطب
عليك
ويمسح دموعك
ويلمس إيديك ووسط
الضلام ينور
شموعك ... يقوي
ضلوعك وينده عليك
يقولك بقوة
أنا ليك فتوة ومسند
إليك
صباحك رايق وكله
حماس
يمسك في إيدك لطريق
الخلاص
ويفرز صحابك وأهلك
... جيرانك
يبقا اللي يبقا والباقي
يخرج لخط التماس
وتصبح علاقتك بكل
اللي حولك مافيها
إلتباس
......
بقلمي
م.حمدي توفيق
ليست هناك تعليقات:
إرسال تعليق