همس المشاعر.... ١
أميرة الورد
_______
بقلمي السيد عطاالله
ياللي بتقطفي الورد
اومال نصيبي فين
أنا عاشق لك بجد
حني على المسكين
جمالك ماله حد
مليان فل و ياسمين
ورد بستانك ما يتعد
مالي القلب والعين
قلبي وقع و تهد
ما نفعني شعر ولا تفانين
لقيت بابك بيتسد
أمام كل العاشقين
أنا حبيبك مش أي حد
إفتحي دا أنا كلي حنين
كفاني منك صد
قلبي يتالم من الأنين
لو لمستك باليد
أتوه في سحرك سنين
في العشق مالك ند
بحبك زهرة البساتين
لو تسمحي بالود
ما أعرف راسي م القدمين
لولا إني لله عبد
أنا في محرابك ناسك أمين
كلمات السيد عطاالله.
ليست هناك تعليقات:
إرسال تعليق