*مِيِت خُسارة *
....................
سلمولي على اللي راحوا
وخدوا ... الزمن الجميل
اللي كانت الطله ... منهم
بتمحي لينا ألف ... .. ليل
مشيو بدري ... وسابولنا
غُصه في القلب ....العليل
كان معاهم أحلى ... عُمر
وكان فراقهم ... مستحيل
مشيوا فعلاً بس ... سابوا
قلوبنا للزمن ........ الرزيل
اللي فيه بنشوف عجايب
م اللي حاضر واللي غايب
واللي ما لحملك ... يشيل
واللي ساعة الجد... يهرب
واللي لو تحتاجه .. مسند
تلاقيه ف مشاعره بخيل
واللي عامل نفسه .. منك
وإن ليه معدن .... أصيل
واللي سَابوا واللي عَابوا
واللي مواالهم .... طويل
واللي زادو ...... جَرحنا
وكَسروا لينا ألف ..حِيل
راح خلاص زمن الحلاوه
وودعنا الزمن ... الجميل
ألف حسرة على اللي راح
ومِيِت خُسارة لأحلى جيل
......
بقلمي
م. حمدي توفيق
ليست هناك تعليقات:
إرسال تعليق