/ البارح
--------/
﴿ بين البارح واليوم أحداث و أقدار }
البارح
كان البارح
و اليوم شمسو اتغيب
ارحل يا خاطري ارحيل الرحمة
هذي الدنيا غدا اتزول
واش أنت من الصالحين؟
راه كنت من الفالحين.!
البارح
كان البارح
واليوم يتبعو ايروح
من دِيوان كلام حاكي يحكي
يجبر خاطر من خاطرو امهول
يسمع احديث يهمس في ودنو
ايلاغي ألغاه
و ايراجع اصوارو لا الفتية اتطيح
سعدات من كان لو فالدنيا اخليل
ايونسو وقت الراحة ايفاجي اقليبو
ياك الدنيا ساعات..فينك يا احبيب؟
ياك المكتوب امقدر ما منو اهروب.!
البارح
كان البارح
يا قاري لحزاب
يا حافظ لكتاب
ادعي بدعوات الرحمة
الله يرحمنا كاملين.
!
!
!
ذ/العابد عبد الرحيم : 08/07/2025
ملهمتي الفقيه بن صالح المغرب بين الأمس واليوم
ليست هناك تعليقات:
إرسال تعليق