عواد باع ارضه،،*
"" "" "" "" "" ""
اشعار / ياسر عبد الحميد
_________________
و بتقولوا علي الاحداث
كلام ينقاس بموازيركم
و بتشاوروا بمرار الكاس
و تملوا فيه بتفسيركم،،
كأن الكاس دا كان فاضي
و كل الناس ملوه عادي
كفايه نبص في الماضي
نلاقي الزير دا كان زيركم،*
عواد باع ارضه،،*
و عواد تاني،، مسك العود
ما عرفش يقول
اصل البهلول غني قصاده
فاجئه باغنيه و ليها اصول
و الليله اهي ماشية مع الحلوين
شلة مجازيب رايحين جايين
لما بتقرا،، بتمسك محمول
عواد دخل الشعر بليد
جالنا في اول يوم العيد
شمر ايده و قال في جديد
و اكمنه في الشعر مكسر
و الوزن المنسوخ بيحير
شد في حيله و قال راح افكر
قال راح اغني، و أديني بقول
هاعمل مطرب زي فلان
و أوقف حاله في كل مكان
انا اصلي عرفت العنوان
و السميعة اشكال و الوان
اللي يقول عني اني خطير
و اللي منفسن شكله كبير
يغني معايا و اقول له كمان
و المهزلة صبحت موسوعة
جبر خواطر مش مسموعة
فيها الساذج والتعبان
و المضمون شغل مرستان
عملوه منهج للمجموعة،،*
_______________
ليست هناك تعليقات:
إرسال تعليق