أي خرده قديمه للبيع
بنشتري أي حاجه قديمه
للبيع
عروبة قديمة للبيع
وطنية بس اوعى تصيع
مروحة قديمة للبيع
بدل مراتك النكديه بشفشق
خلاط هديه
مبادئ منتهيه
قرب قرب كله عالعربيه
اخوان تلاقي شيعة ماشي
والمفاجأة معانا سلفيه
غير حياتك وبيع حماتك
المفتريه
بشبشب بلاستيك صناعة
مصريه
بوتجاز قديم للبيع كدا كدا
المدام هتبيع
غزة ضاعت ولبنان هتضيع
كل حاجة قديمة للبيع
سلاح مِخَزّْن صرخة طفل
تِحَزنْ اسير يدندن
ارض ماشي عرض ماشي
لكن كلاب المال ملهمش تمن في البيع
اي خرده قديمة للبيع
بقلم مولانا العارف بالله الضاحك الباكي بلال هشهش بيلا مصر
ليست هناك تعليقات:
إرسال تعليق