ربيع العمر
<><><><><>
ربيع العمر في الثلاثين
صحه ونشاطه وشوفتك ياعين
ربيع ازهار
عمر الطفوله كلها اسرار
لعب وتمني ماخفاش اجهار
وبعده شباب الفخر في العشرين
خلى العقود ثلاثه
وخش في الرابع بغير شماته
كمال عقل صاحبها وفيه ثباته
والعقل قالوا يكتمل يازين
ما شاء الله امجاهد
يبي الولد والمال كامي جاحد
راكب الدنيه بحصانه لاهد
طريقين خير وشر ماشي وين
يبدى الزرع ايباسه
كل عامل ينقص غفلة العساسه
مرض في الجواجي صدعله راسه
استاقض وفكر في حياتك زين
العمر مدربي وصل للغيم
صلي صلاتك والصيام تصيم
واذكر المولى ما تكون غشيم
فكر عقاب العمر في الستين
اخدم لاخرتك وسيب الدنية
وفكر فمرضك قبل جيي المنية
واعرف طريق الظهر واّنت حنيه
وحاسب حسابك ما تصل سبعين
في الاخرة جنة سعيد ونار
صفي ديونك كبرها ومسمار
من اهل النعيم وما تكون حزين
وادعي المولي الواحد الغفار
يمحي ذنوب الحاظرين معين
<><><><><>
أحميد خليفه الشاطر
تحياتي من ليبيا ٠🇱🇾
ليست هناك تعليقات:
إرسال تعليق