حبيب القلب
حبيب القلب ودقاته
فاتت سنة على فراقه
رجع تاني يفكرني بأيامه
حبيب قلبي قصاد عيني
جاني يشكي ويتباكي
بعد ما راح وغاب عني
سنين عمري نسي عمري
غدر قلبي ظلم روحي
وفاتني لجروحي وحداني
وعذابي من هجره يامه بكاني
مكنش على خاطري يرجع لي
أحبه ونفسي أرجع له
وروحي تأبى تمنعني
أكون جنبه
ليالينا الجميلة كلها في عينيه
والحب الكبير إتخلق حواليه
حبيب قلبي فداه قلبي
يعاتب نفسي يصالحني
يطلب مني أسامحه
وأنسى لوعته وهجره
عوزني اللحظة أرجع له
أعيش من تاني في جرحه
مقدرش أقول إني نسيته
ولا إني ثانية أقدر أفارقه
أنا مجنونة بحبه
حفضل أموت وأنا فكراه
وكل لحظة أدوب بهواه
واكدب وأقول أنا بنساه
وأقول يا نفسي آه ياني
من الحب وحبيبي وعذابه
بقلمي محمد السيد السعيد يقطين . مصر
ليست هناك تعليقات:
إرسال تعليق