.............. رجالة ؟ .............
**********************
وبفكر أبيع التلاجة
كده كده مش محتاجها في حاجه ؟
من سنة مافيهاش غير الميه
والله وسنتين وزياده ؟
بتجر وكهربا ع الفاضي
مع شاشة مالهاش أبداً عازه ؟
وبفكر للنور هنا ألغي
والمياه كمان المتسابه ؟
وأبيع للنيش هنا ولوازمة
وبوتجازنا وبرضوا السجادة ؟
وأخلي سرير بس لنومي
وعيالي ومحمود مع غاده ؟
وبفكر أريح معاليهم
م الخونة امثالي عشان عاله ؟
وأوفر قوتي ول(.......)
وأموت م الغيظ ومن الحاله ؟
متعلم أو جاهل أصبح
مربوط في الحوش والطواله ؟
والكل بدون ذكر وليهم
أتقلبوا حريم وشغاله ؟
مذكور في بطايق زور طبعاً
ذكران وده كدب لدلاله ؟
والغاية تبرر لوسيلة
يخرب بيت أم وللدايه ؟
والبطن اللي شالتكو ياريتها
كان حملها يبقى فى حربايه ؟
ملعونه الأرض اللي شالتكم
والشمس ونورها وقياله ؟
ملعونه النطفة اللي ماتنجب
زي القسام هنا رجاله ؟
بقلم .. ياسر فؤاد الجدي
ليست هناك تعليقات:
إرسال تعليق