نفسي اكتب جواب, لكن مش عارفه ارسله لمين !
يمكن لحد وحشني ماشوفتوش من سنين
يمكن لحد جرحته وفي قلبه وجعته وبسببي هو حزين
يمكن لحد جرحني اقوله وانت فاكر نفسك مين !؟
يمكن لناس فارقونا , في الدنيا سابوا مكانهم .. بس في قلوبنا عايشين
يمكن تكون لحياتي
والضحك مع صحاباتي لما كنا صغيرين؟
يمكن لإحساس حسيته وشوق في قلبي داريته وخوف كتير وحنين...
يمكن لمسؤل مش حاسس بحاجة المحتاجين
يمكن لكل من يغتصب حق مش حقه اقوله حسبي ﷲ ونعم الوكيل
وكل ما اجي اقول واكتب .. الآقي الكلام يهرب
وكل ما اكتب كلمة الورق يستغرب
حتي الكلام عليا بيعتب
سكت و قفلت الجواب
ورميت احاسيسي المهمله في
سلة المهملات
يمكن ابطل احلم واعيش في الذكريات.
هناء دياب🌹
ليست هناك تعليقات:
إرسال تعليق